- 74 -

1382. November 19.

In n. d. a. Ad p. r. m. Nos Anna d. g. Rathiborie Ducissa Et nos Joh. eadem d. g. Oppauie et Rath. Dux natus predicte illustris Ducisse tenore presencium notum facimus universis et singulis presencium noticiam habituris, quod cum fideles nostri Consules Rath. vid. Joh. Hesinkint, Rychlinus de foro pecorum, Joh. Bart carnifex, Nycol. Gelhaz et Petrus Trebner textor de anno presenti consolatui presidentes nomine et ex parte seniorum ipsorum Scabinorum Curatorum Operum magistrorum et communis civium et singularum personarum, diligenti tractatu inter se prehabito, quia id communis ipsorum seu civitatis nostre swadebat utilitas et necessitas exposcebat, coram nobis constituti, supplicantes affectuose ut vendicioni census subscripti nostrum consensum et voluntatem dare et apponere dignaremur, quam quidem census (vendicionem) huiusmodi nobis exposuerunt, dicentes se religiosis viris dominis et fratribus vid. priori et conventui sub professione seu regula S. Dominici ord. Pred. Monasterij S Jacobi in Rathibor censum quatuor marcarum cum uno fertone pol. num. et pag. currentis monete pro xlij et dim. marcis similium predictorum ipsis consulibus nomine tocius civitatis predicte iam datis et in parata pecunia persolutis iusto reempcionis titulo interveniente vendidisse, tollendum et dandum dictum censum de universis et singulis ipsorum predictorum qui sunt et eorum successorum qui p. t. fuerint, bonis reditibus et proventibus ubicunque et in quibuscunque locis extra vel intra civ. nostram R. consistant, in termino subnotato vid. in festo S. Martini proxime secuturo in quo prima venditi census solucio instabit, et sic deinceps annis futuris temporibus in termino prenotato eundem censum quatuor marcarum cum uno fertone numeri predicti Consules memorati qui sunt vel ipsorum successores qui p. t. f. prenotatis viris dominis et fratribus dare et solvere tenebuntur. Nos vero Anna ducissa et nos Joh. dux prenotati ob illius reverenciam qui deponit potentes et exaltat humiles, et ad instantem peticionem fidelis nostri d. Pesconis Militis de Wyssla qui dictum censum pro sua et omnium suorum animarum salute in perpetuum testamentum comparavit et de licencia nostra speciali consentimus nichilominus et faventes dictam census vendicionem et reempcionem sic fiendam. Et ad huius rei evidenciam clariorem sigilla nostra ac civitatis nostre memorate presentibus sunt appensa. Actum et Datum a. d. M. ccclxxxij. in die S. Elyzabeth presentibus etc.

Aus dem Copialbuch der Dominicaner.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.